Bu gün 2 İyul Azərbaycan Polisinin Peşə Bayramıdır!
Polis, bildiyimiz kimi, ictimai asayişi, ölkədaxili təhlükəsizliyi təmin edən güc mənbəyidir. Azərbaycanda da polisin əsas işi bu fundamental zərurəti təqdir etmək, ictimai təminatda dövlətə dəstək verməkdir. Məhz buna görə Azərbaycan da daxil olmaqla, əksər ölkələrdə əhali “Mənim polisim məni qoruyur” ifadəsini işlədir.
Bilirik ki, 1998-ci ilə qədər ölkəmizdə "Azərbaycan polisi günü" hər il iyunun 6-da qeyd edilib. 24 may 1998-ci ildə isə Heydər Əliyevin müvafiq Fərmanına əsasən bu tarix dəyişdirilib, 1918-ci ildə Azərbaycan Demokratik Respublikası Daxili İşlər Nazirliyinin tərkibində ilk polis orqanlarının təsis edildiyi gün - 2 İyul Azərbaycan Polisi Günü elan edilib.
Heydər Əliyev hələ hakimiyyətdə olarkən polisi dövlətimizin əsas sütunu adlandıraraq demişdir: “Dağlıq Qarabağa iddia qaldırılanda ön cərgədə duran polis idi. Polis idi döşünü irəli verən. Polis idi vuruşan. O vaxt ordu yox idi, ordu hissələri yox idi. 1000 nəfərə yaxın polis işçisi torpaqlarımızın azadlığı uğrunda şəhid oldu”. Elə bu gündə “Azərbaycanın Daxili İşlər Nazirliyində sədaqətlə xidmət edən insanlar var və öz vətəndaşlıq borclarına sadiq qalmaqla yanaşı, öz xidməti vəzifələrini layiqincə yerinə yetirirlər…”
Etiraf olunası haldır ki, 1918-ci ildə də ölkədə ictimai asayişi qlobal səviyyədə təmin edən məhz Azərbaycan polisi olmuşdur. Bu gün də Azərbaycan həqiqətlərinin nizamlı şəklidə ehtiva etməsində Azərbaycan polisi misilsiz rol oynayır.
Polis vahid mərkəzləşdirilmiş, hüquq-mühafizə orqanı olmasına baxmayaraq, dövlətimizin əleyhinə olan qüvvələr bəzi hallarda polisə əks qruplaşmada mövqe tutan dəstə kimi yanaşır, onu insan qanına susamış xarakter hesab edir. Əslində, polis olmasa, ölkədə hərc-mərclik, terror cəhdləri, kəskin cinayət halları, dövlət və dövlətçilik əleyhinə qara piyar və s. baş alıb gedər. Polisin varlığı hesabına ictimai asayiş qorunur, xalqımız və dövlətimiz rahat şəkildə gündəlik qayğılarını çözür.
Qeyd etmək istəyirəm ki, Azərbaycanda uzun illərdir ki, nə cinayətkar dəstə var, nə də ki, başqa qeyri-qanuni birləşmələr mövcud deyildir. Arzu edirəm ki, bundan sonra da doğma Vətənimizə və vəzifənizə ləyaqətlə xidmət edəsiniz”.
Əziz Azərbaycan Polisləri!
Hörmətli, Daxili İşlər Naziri, Cənab General-Polkovnik Vilayət Eyvazov!Sizi və sizin simanızda bütün Azərbaycan Polislərini 2 İyul – Peşə Bayaramı Günü münasibətilə təbrik edir, fəaliyyətinizdə uğurlar, asayişimiz naminə yorulmazlıq və cansağlığı arzulayıram. Siz varsınız, Azərbaycan həqiqətləri də var. Və nə qədər siz var olacaqsınız, o qədər də ölkəmizi məhvə sürükləməyə cəhd edənlər arxa planda qalacaqlar.
Allah Sizi qorusun, Azərbaycan Polisi!
Hörmətlə: Faiq Əhmədov,
“Sosial Dövlət Naminə” İctimai Birliyinin sədri
