Təbirdə xatirə şəkilləri çəkildi, kitablar gələn qonaqlara hədiyyə olundu.
Sosialdovlet.az xəbər verir ki, 11 mart 2024 - cü il tarixində, Azərbaycan Yazıçılar Birliyinin, Natəvan klubunda, şair- publisist, musiqişünas Zeynəb Bəhmənlinin "Yuxuma gəl şəhid balam" kitabının təqdimat mərasimi olmuşdur.
Kitab Qarabağ Vətən Müharibəsi uğrunda gedən döyüşlərdə qəhrəmancasına şəhidlik zirvəsinə ucalan Rafiq Gülüş oğlu Allahverdiyevin qısa, lakin şərəfli ömür yoluna həsr olunub.
Tədbiri kitabın redaktoru, şair - publisist Qızbəz Qəbələli açaraq qonaqları salamladıqdan sonra, vətənimizin azadlığı, ərazi bütövlüyü uğrunda canlarından keçmiş cəmi şəhidlərimizin xatirəsi bir dəqiqəlik sükutla yad edildi.
Qızbəz Qəbələli kitabın müəllifi Zeynəb Bəhmənlinin yaradıcılığından və şəhidimizin şəhidlik zirvəsinə necə ucalmağından danışaraq qeyd etmişdir ki, şəhid haqqında kitab yazmaq həm şərəfli, həm də çox çətindir.
Tədbirdə “Sosial Dövlət Naminə” İctimai Birliyin sədri, tanınmış yazar, şair-publisist Faiq Əhmədov, şairlərdən Mürvət Qədimoğlu, Rauf İlyasoğlu, Sara Göyçəli, Sədaqət Şıxlı, Raifə Sərxanlı, Şəhla Lətifqızı, Hüseyn Əliyev, Məhəmməd Əli oğlu və başqaları kitabla bağlı çıxış edərək şəhidlərimizin 44-günlük müharibədə necə qəhrəmanlıq zirvəsinə ucalmaqlarından danışdılar.
Xüsusilə qeyd edək ki, kitabda eyni zamanda Zeynəb Bəhmənlinin şəhidlərimizə həsr olunmuş vətənpərvər şeirləri də yer alıb.
Sonda Zeynəb Bəhmənli tədbir iştirakçılarına təşəkkürünü bildirdi və xatirə şəkilləri çəkildi, kitablar gələn qonaqlara hədiyyə olundu.
Hamlet Abbasov:
"Sosial Dövlət Naminə" İctimai Birliyinin Mətbuat Katibi
