Müasir Azərbaycanımızın memarı, Ümummilli Lider Heydər Əliyevin 100 illiyinə həsr olunmuş tədbirdə şagirdlər arasında şeir yarışması keçirildi və qaliblərə xüsusi mükafatlarla qızıl medallar, "Heydər Əliyev 100-İl" Fəxri Diplomu və “Nə qədər Azərbaycan Var, Mən də Varam” köynəyi təqdim olundublar.
Sosialdovlet.az xəbər verir ki, “Sosial Dövlət Naminə” İctimai Birliyinin mətbuat xidmətindən verilən məlumatda bildirilir ki, İctimai Birliyin sədri Faiq Əhmədov və birliyin fəal üzvləri 08 noyabr 2023-cü il tarixində “Zəfər Günü” münasibətilə İkinci Fəxri Xiyabana gedərək Qarabağ Vətən Müharibəsi uğrunda gedən döyüşlərdə Qəhrəmanlıq zirvəsinə ucalan Şəhidlərimizi və 12 noyabr 2023-cü il tarixində isə Konstitusiya günü münasibətilə Azərbaycan dövlətinin memarı və qurucusu, Ulu Öndər Heydər Əliyevin, görkəmli oftolmoloq, alim, akademik Zərifə Əliyevanın, dövlət xadimi Əziz Əliyevin və tanınmış həkim-alim Tamerlan Əliyevin Fəxri Xiyabanda xatirəsini ehtiramla yad edərək, məzarları önündə baş əyib ruhlarına dualar oxumuşlar.
Elə həmin gün 12 noyabr 2023-cü il tarixində birliyin sədri Faiq Əhmədovun təşəbbüsü ilə Ümummilli Lider Heydər Əliyevin 100 illiyinə həsr olunmuş "Uşaqlar Bizim Gələcəyimizdir" adlı şeir müsabiqəsi keçirilmişdir.
Tədbiri giriş sözü ilə açan "Sosial Dövlət Naminə" İctimai Birliyin sədri Faiq Əhmədov gələn qonaqları və uşaqları salamladıqdan sonra Ümummilli Lider Heydər Əliyevin, eyni zamanda Vətənimizi və ərazi bütövlüyümüzü qoruyarkən canını fəda etmiş şəhidlərimizin əziz xatirəsi bir dəqiqəlik sükutla yad edildi.
Orta məktəbin şagirdləri Ulu Öndər Heydər Əliyevin 100 illiyinə həsr etdikləri musiqi kompozisiyasını iştirakçıların alqışları sədası altında ifa etdilər. İfadan sonra Faiq Əhmədov Zəfər Günü və Heydər Əliyevin 100 illik yubileyi münasibəti ilə Azərbaycan xalqını və tədbir iştirakçılarını təbrik edərək, Ümummilli Lider Heydər Əliyevin uşaqlar haqqında dedikləri sözləri xatırlatdı: "Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır".
Daha sonra hüquqi dövlət quruculuğunda Ümummilli Lider Heydər Əliyevin və onun layiqli davamçısı, Qarabağ Fatehi, Müzəffər Ali Baş Komandan, Prezident İlham Əliyevin tarixi xidmətlərini yada salan Faiq Əhmədov bu istiqamətdə islahatların daima genişləndirildiyini, xalqımızın sosial rifahının yüksəlməsini yada saldı.
Sonra Müasir Azərbaycanımızın memarı, Ümummilli Lider Heydər Əliyevin 100 illiyinə həsr olunmuş tədbirdə şagirdlər arasında şeir yarışması keçirildi və qaliblərə xüsusi mükafatlar qızıl medallar, "Heydər Əliyev 100-İl" Fəxri Diplomu və “Nə qədər Azərbaycan Var, Mən də Varam” köynəyi təqdim olundu.
Allah Şəhidlərimizin Məqamını Uca, Ruhlarını Şad Etsin. Amin!
İlahə Məmmədova
"Sosial Dövlət Naminə" İB-in, İctimaiətlə Əlaqələr Şöbəsinin müdiri
