QHT Sədri Höküməli Qəsəbəsi, Yeni Yaşayış Massivində Əhali İlə Görüş Keçirtmişdir

SosialDovlet.Az xəbər verir ki, "Sosial Dövlət Naminə” Qeyri Hökümət Təşkilatının Mətbuat Xidmətindən verilən məlumatda bildirilir ki, 12 fevral 2021 ci il tarixində "Sosial Dövlət Naminə" QHT-nin sədri Məşhədi Faiq Əhmədovun rəhbərliyi ilə Abşeron rayon, Höküməli Qəsəbəsi, Yeni Yaşayış Massivində yaşayan əhali ilə görüş keçirilmişdir.

Görüş zamanı Faiq Əhmədov əhalinin sosial problemləri ilə maraqlanaraq yaxından tanış olmuş və onların şikayətlərini dinləmişdir.

Daha sonra Faiq Əhmədov rəhbəri olduğu "Sosial Dövlət Naminə” Qeyri Hökümət Təşkilatının adından 20 aztəminatlı, işləmək qabliyyəti olmayan ailələrə öz maddi və mənəvi  yardımını göstərmişdir.

Aksiyada Qeyri Hökümət Təşkilatının sədri Faiq Əhmədovla yanaşı, Abşeron rayon təşkilatının sədri Saleh Hacıyev, Binəqədi rayon təşkilatının sədri Sakit Təsəlliyev və Binəqədi rayon təşkilatının sədr müavini Sənəm Süleymanova da iştirak ediblər.

Eyni zamanda Faiq Əhmədov bir aztəminatlı ailənin uşağının da  müalicə xərclərini öz üzərinə götürərək qeyd etmişdir ki, bizim xeyriyyə aksiyalarımız bundan sonrada  mütəmadi olaraq davam edəcəkdir.