Azərbaycanın Silahlı Qüvvələri Günü Münasibətilə Təşkilat Sədri Faiq Əhmədov Astara Rayonunda Şəhid Ailələrilə Görüş Keçirmişdir
Tarix:26-06-2022, 19:50
Baxış Sayı:299
Azərbaycanın Silahlı Qüvvələri günü münasibətilə birliyin sədri Faiq Əhmədov Astara rayonunda İctimai Birliyin və İkinci Qarabağ Vətən Müharibəsi zamanı torpaqlarımız uğrunda gedən döyüşlərdə qəhrəmancasına şəhid olan şəhidlərimizin ailə üzvlərilə görüş keçirmişdir
Sosialdovlet.az xəbər verir ki, "Sosial Dövlət Naminə" İctimai Birliyin mətbuat xidmətindən verilən məlumatda bildirilir ki, Azərbaycanın Silahlı Qüvvələri günü münasibətilə 26 iyun 2022- ci il tarixində təşkilatın sədri Faiq Əhmədov, aparat rəhbəri Taryel Quliyevlə birlikdə Astara rayonunda təşkilatın və 2-ci Qarabağ Vətən Müharibəsi zamanı torpaqlarımız uğrunda gedən döyüşlərdə qəhrəmancasına şəhid olan şəhidlərimizin ailə üzvlərilə görüş keçirmişdir.
Daha sonra Faiq müəllim birliyin fəal üzvləri və şəhid ailələri ilə birlikdə şəhidlər xiyabanına gedərək şəhidlərimizi ziyarət etmiş ruhlarına dualar oxuyaraq, dərin hüznlə baş sağlığı vermişdilər.
Qeyd edək ki, ziyarət zamanı Faiq müəllim birliyimizin üzvü olan 15 şəhid ailəsinin üzvünə "Sosial Dövlət Naminə" İctimai Birliyin İdarə Heyətinin qərarı ilə təsis olunmuş "Qarabağ Azərbaycandır", "Qəhrəman Anası" diplomlarını, "Qarabağ Azərbaycandır" medalını və "Döş Nişanı"nı təqdim etmişdir.
Çıxışı zamanı Faiq müəllim təşkilatın fəal üzvlərinə əhalinin sosial problemləri ilə mütəmadi maraqlanmaqlarını və əllərindən gələn köməklikləri əsirgəməmək üçün öz tövsiyyələrini və tapışırıqlarını vermişdir.
