"Sosial Dövlət Naminə" Qeyri Hökümət Təşkilatının İdarə Heyəti Müqəddəs Qurban Bayramına həsr olunmuş növbəti tədbir keçirmişdir. SosialDövlet.az xəbər verir ki, "Sosial Dövlət Naminə" Qeyri Hökümət Təşkilatının İctimaiətlə əlaqələr şöbəsindən verilən məlumatda bildirilir ki, 30 İyul 2020-ci il tarixində Təşkilatın İdarə Heyyəti Müqəddəs Qurban bayramına həsr olunmuş tədbir keçirmişdir.
Tədbiri giriş sözü ilə açan "Sosial Dövlət Naminə" Qeyri Hökümət Təşkilatının sədri, Azərbaycan Jurnalistlər Birliyinin və İraq-Türkmən Yazarlar Birliyinin üzvü, tanınmış yazıçı-publisist Faiq Əhmədov ilk növbədə qonaqları, eləcə də bütün dünya müsəlmanlarını müqəddəs Qurban bayramı münasibətilə təbrik etmişdir.
"Sosial Dövlət Naminə" Qeyri Hökümət Təşkilatının sədri qeyd etmişdir ki, xeyriyyəçilik, ehtiyacı olanlara yardım mövzusunda cəmiyyətimizin məhz ziyalı təbəqəsinin digərlərinə də örnək olması xüsusilə vacib bir məqamdır.
Daha sonra öz çıxışında qarşıdan gələn avqust ayının 26-da Azərbaycanın Birinci vitse-prezidenti Mehriban xanım Əliyevanın doğum gününün olduğunu xatırladan Faiq Əhmədov bu münasibətlə də öz ürək sözlərini söyləmişdir:
- Əziz dostlar, hörmətli tədbir iştirakçıları!
Bildiyiniz kimi qarşıdan gələn avqust ayının 26-da Ölkənin Birinci vitse-prezidenti Mehriban xanım Əliyevanın doğum günüdür. Bu gün Mehriban xanım Əliyeva Azərbaycan Respublikasının Birinci vitse-prezidenti vəzifəsində ölkəmizin və xalqımızın rifahı naminə daha geniş əhatədə öz fəaliyyətini davam etdirir. Onun təkcə Azərbaycan üçün deyil, bütün Türk Dünyası və ümumiyyətlə bəşəriyyət üçün olan xidmətləri Mehriban xanım Əliyevanı bu gün Türk və Müsəlman Dünyasının şəriksiz qadın liderinə çevirib. Fürsətdən istifadə edib, şəxsən öz adımdan və "Azərbaycanın Səsi" İctimai Birliyinin üzvüləri adından Mehriban xanım Əliyevanı qarşıdan gələn doğum günü münasibətilə səmimi qəlbdən təbrik edirəm, ona can sağlığı, gözəl ailəsilə birgə sonsuz sayda xoşbəxt illər və Azərbaycan adına yeni-yeni nailiyyətlər arzulayıram!”
Sonra tədbir iştirakçıları Qurban bayramının mahiyyəti barədə geniş müzakirələr aparmış, bu əsasda İslam dininin birlik, bərabərlik və yardımsevərlik carçısı olması bir daha xüsusilə vurğulanmışdır.
Daha sonra qeyd olunmuşdur ki, "Sosial Dövlət Naminə" Qeyri Hökümət Təşkilatının ərizələr və müraciətlər şöbəsinə Qurban Bayramı münasibətilə 53 aztəminatlı ailə tərəfindən köməklik olunması barədə müraciətlər daxil olub.
Vətəndaşların müraciətləri əsasında aparılan araşdırmalar zamanı birliyin sədri Faiq Əhmədov tərəfindən ümumilikdə 35 ailəyə Qurban ətlərinin verilməsi barədə qərar qəbul edilmişdir.
Məlumatda daha sonra bildirilir ki, tədbirin gedişi zamanı Faiq Əhmədov qeyd etmişdir ki, Qurban ətlərinin verilməsi ilə yanaşı əlavə olaraq şəkər, şəkər tozu, un və digər ərzaqlarda verilsin.
Qurban bayramı münasibətilə veriləcək sovqatların ictimai biriliyin fəalları tərəfindən yaşadıqları ünvanda təqdim edilməsi barədə qərar qəbul edilmişdir.
Həmin qərara əsasən 31-İyul 2020-ci il tarixində "Sosial Dövlət Naminə" Qeyri Hökümət Təşkilatının Binəqədi rayon təşkilatının sədri Sakit Təsəlliyev və Abşeron rayon təşkilatının sədri Saleh Hacıyev tərəfindən ehtiyacı olan ailələrə Qurban ətləri və nəzərdə tutulmuş digər ərzaq məhsulları yaşadıqları ünvanda təqdim olunmuşdur.
"Sosial Dövlət Naminə" Qeyri Hökümət Təşkilatının
İctimaiətlə əlaqələr şöbəsinin müdiri İlahə Məmmədova.
"Sosial Dövlət Naminə" Qeyri Hökümət Təşkilatının İdarə Heyəti Müqəddəs Qurban Bayramına həsr olunmuş növbəti tədbir keçirmişdir. 
