Bu gündə Birliyimiz tərəfindən Vətənimizin müstəqilliyi, ərazi bütövlüyünün bərpası uğrunda canlarından keçən şəhidlərimizin məzarları ziyarət olunur, əziz xatirələri ehtiramla yad edilir, ruhlarına dualar oxunaraq, səlavatlar çevirilir.
Sosialdovlet.az xəbər verirk ki, İctimai Birliyinin mətbuat xidmətindən verilən məlumatda bildirilir ki, təşkilatın sədri Faiq Əhmədov qarşıdan gələn və Ali bəşəri hisslərin sevincini yaşadan, Dünya Azərbaycanlılarının Həmrəylik günü və Yeni il münasibətilə Xalqımızı təbrik edib.
Təbrikdə Deyilir!
Hörmətli və Dəyərli Dünya Azərbaycanlıları!
Əziz Şəhidlərimizin Ailə Üzvləri və Qazilərimiz!
Dünya Azərbaycanlılarının Həmrəyliyi günü və Yeni il artıq bir neçə ildir ki, ölkəmizdə və dünya da böyük ruh yüksəkliyi ilə qarşılanır. Milli dövlətçilik tariximizdə və xalqımızın yaddaşında əbədi yaşayacaq şanlı Zəfər xalq-iqtidar birliyi, ordumuzun yüksək peşəkarlığı və gərgin siyasi-diplomatik fəaliyyəti sayəsində əldə edildi.
Vətən müharibəsində dünyanın bütün ölkələrində yaşayan azərbaycanlılar da yüksək dərəcədə fəallıq göstərərək ordumuzun və Müzəffər Ali Baş Komandanımız cənab İlham Əliyevin ətrafında daha sıx birləşdilər. Vətən müharibəsi zamanı xaricdə yaşayan soydaşlarımızın düşmənin məkrli təxribatlarına qarşı etirazları, Azərbaycan həqiqətlərinin dünya ictimaiyyətinə çatdırılması işində fədakar xidmətləri Zəfərimizə layiqli töhfə oldu.
Vətən müharibəsi xalqımızın mübarizliyini bütün dünyaya nümayiş etdirdi. Eyni zamanda bu savaşda xalqımız İlham Əliyevin rəhbərliyi ilə milli həmrəyliyin ən mükəmməl nümunəsini yaratdı və milli-birliyimiz, mənəvi dəyərlərimizin tərkib hissəsi olan həmrəyliyimiz hər zaman uca tutuldu.
Bu gündə Birliyimiz tərəfindən Vətənimizin müstəqilliyi, ərazi bütövlüyünün bərpası uğrunda canlarından keçən şəhidlərimizin məzarları ziyarət olunur, əziz xatirələri ehtiramla yad edilir, ruhlarına dualar oxunaraq, səlavatlar çevirilir.
Dünyanın müxtəlif ölkələrində yaşayan soydaşlarımızı,"Sosial Dövlət Naminə" İctimai Birliyinin hər bir üzvünü Dünya Azərbaycanlılarının Həmrəylik günü və Yeni il münasibətilə ürəkdən təbrik edir, ölkəmizə daima sülh, əmin-amanlıq, ailələrə xoşbəxtlik, xalqımıza can sağlığı, ruzi-bərəkət arzulayırıq!
Bayramınız mübarək olsun!
Allah Şəhidlərimizin Məqamını Uca, Etsin! Amin!
İlahə Məmmədova
"Sosial Dövlət Naminə" İctimai Birliyinin,İctimaiətlə Əlaqələr Şöbəsinin müdiri
